Baso-landaketen azalera eskualdean mantentzen den bitartean, Australiako hazkunde azkarreko espezieak 1.700 hektare irabazi ditu, gaixotutako eta hildako pinudien ordez landatu baitira, Eusko Jaurlaritzak 2020. urtean egin duen basogintza-maparen arabera.
Eukaliptoen monolaborantza mugagabe eta etengabe ari da hedatzen Busturialdean, neurri handi batean Urdaibaiko Biosferaren Erreserba den eremuan eta Natura 2000 Sarea ere bai hainbat lekutan.Ordenatu gabe eta landaketarako itxurazko mugarik gabe, eukalipto-espezieak Oka ibaiaren arroaren goialdean zabalduz doazela ikus daiteke. Han, lehen, radiata pinua nagusi zen, eta, orain, xingola edo banda marroiaren gaixotasunak eragin handia du landaketa horietan.
Mozten diren pinudi gaixo edo hilen ordez, eukaliptozko laboreak jartzen dira, oihanpe osoa desagertu, tokoiak atera eta azaleko materia organiko guztia kendu eta, azkenik, lurra makina astunekin luberritu edo goldatu ondoren.
Biodibertsitatea galtzeaz gain, lurzoru emankorra eta materia organikoa galtzen ari da. Uholde arriskua ere handiagoa da, lurzoruak euri-urak erregulatzeko gaitasuna galtzen baitu.
Eukaliptoa hazkunde azkarreko espeziea da, radiata pinuak baino tasa handiagoa duena. Horrek esan nahi du lurzorutik mantenugai eta ur kantitate handiak ateratzen dituela, eta, gero, 12 eta 15 urte bitarteko menditik baso-biomasa eramaten dela. Eukalipto uzta bildu ondoren, zelulosaren industria du helburu.
BUSTURIALDEA
BASO-INBENTARIOA HEKTAREETAN
|
|
2010 |
2016 |
2018 |
2019 |
2020 |
|
BASO MIXTOA |
3,768 |
4,126 |
4,105 |
4,112 |
4,130 |
|
ERREKALDEKO BASOA |
120 |
120 |
119 |
119 |
117 |
|
KONIFEROAK (pinua…) |
12,117 |
11,394 |
10,844 |
10,655 |
9,963 |
|
EUKALIPTOA
|
2,814 |
3,512 |
3,686 |
3,882 |
4,514 |
|
Landaketak guztira |
15,300 |
15,369 |
14,990 |
15,072 |
15,127 |
Datak txostena egindako urtea adierazten du, datuak aurreko urtekoak direlarik.
Landaketek continuum forestala sortzen dute, inolako plangintzari ez dagokiona, mugakideekiko eta nekazaritza edo abeltzaintzako lurzatiekiko distantziak kontutan hartu gabe, suebakirik gabe eta, gainera, begiratokiekiko edo ingurumen edo kultur balioa duten toki edo elementuekiko errespetua aintzat izan gabe.
Busturialdeko biodibertsitatea, baliabide naturalak eta paisaiaren erakargarritasuna galtzeaz gain, espezie pirofito (“suaren zalea”) honek duen sute arriskua altua da. Espezie horrek erregaitasun-tasa handia du eta sute handiak eragiten ditu, bai Australian, bai Euskal Herriko inguruko lurraldeetan; esaterako, Portugalen, 2017. urtean, dozenaka hildako izan ziren. Bizkaian, oraindik ere Urdulizko eta Muskizko suteak gogoratzen dira, azken hori Petronorren findegira modu arriskutsuan hurbildu zelarik.
Dena oso azkar ari da aldatzen Urdaibaiko paisaia eta eskualdeko ezaugarri ekologikoetan; izan ere, hamarkada batean, 1.700 hektarea handitu da eukalipto landaketen azalera, Eusko Jaurlaritzaren baso-inbentarioaren arabera.
Comentarios