Otxandioko Udaletxea: Bandera española jartzeko agindua
2012-06-26
Gobernu espainiarraren delegaritzak
Otxandioko Udalari balkoian bandera espainola jartzeko agindu dio. Herri
guztietara ari da heltzen agindu hau. 39/1981 legearen 3.1 artikuluak
bandera espainola administrazioaren eraikin guztietan egon behar dela
agintzen du, bai kanpoaldean eta bai barnealdean. Udal gobernuak,
agindu honen gaineko lehen balorazio politikoa egin nahi du ondoko
lerroen bidez.
Gobernuak bandera espainola jartzea
normaltasunezko ekintza legez aurkezten du: herrialde normaletan bertako
herritarrak sinbologia nazionalarekin identifikatuta sentitzen dira eta
beraz normala da sinboloak harrotasunez erakustea.
Gure ustez, ez gabiltza oker herritarren
gehiengo zabal batek bandera espainola bere egiten ez duela diogunean.
Tartean gobernu espainolaren agindurik egon ez den azken 35 urteotan,
otxandiotarrok ordezkatu gaituzten udal-arduradunek ikurrina baino ez
dute jarri Udaleko balkoian. Herritarrok ikurrinarekin sentitu gara
identifikatuta, eta aldi berean, gehiengo zabal bat ez da bandera
espainolarekin identifikatu.
Zergaitik gara ba gu hain arraroak
Murtzia, Caceres edo Valladolideko herritarrek hain modu naturalean
egiten dutena arazo bihurtzeko? Bada, gobernu delegatuak ulertu nahi ez
arren, nazio bat garelako eta gure hizkuntza, kultura, idiosinkrazia
(eta baita gure sinboloak ere) aldarrikatu nahi ditugulako espainolek,
italianoek, frantsesek zein brasileinoek egin ahal duten modu berean.
Besterik ez.
Comentarios