ERRIGOITI
Alkatearen «jarrera prepotentea» plenoetan salatu dau Errigoitiko oposizioak
17.05.12 - 02:30 -
Osoko bilkurak dei-tzen diran bakotxean, Iñaki Madariaga
Errigoitiko alkatearen «jarrera prepotentea» salatu dabe, beste batez,
herriko Udaletxean gaur egun dagozan, eta baita aurreko
legegintzandietan be egon diran oposizioko alderdi politikoetako -Bildu,
ezker abertzalea- zinegotziek. Atzo arratsaldean Errigoitin bertan
eskainitako prentsaurrean azaldu ebenaren arabera, bestalde, Madariagak
«ahalik eta pleno gitxien egitea erabaki dau; hiru hilabeterik behin,
eta, beste batzuetan, ezohiko batzarrak deitzen dauz eta holan erregu
eta galdera tarte barik izten dau oposizioa», baieztatu eben.
Oposizioko alderdietako ordezkariek azaldu ebenez,
bestalde, alkateak deitutako bilkura egunak eta orduak «gustiz
desegokiak dira». Hori gitxi balitz, «herritarrak joatea galarazoteko
aforoa, leku gehiago egonda be, bost lagunentzako bakarrik ezarri dau,
eta zinegotzioi ez deusku baimenik emoten edozein dokumentu
kontsultetako», kritikatu eben.
Lokal barriak hutsik
Orain urte bi inauguratu ziran taberna eta gazteentzako
lokalak, «oraindino itxita eta ezelango erabilerarik emon barik»
dagozala salatu dabe oposizinoko alderdi politikoek. «Eta gero,
batzar-tzeko lekuren bat erabiltzeko eskaria egiten dogunean, alkatearen
ezetza hartzen dogu beti», azpimarratu eben. Kontu publikoak dirala
eta, Iñaki Madariagak «manipulatu» egin dauzela dino oposizioak.
«Biomasa Zentralaren eraikuntza zerga 900.000 euro kontabilizatu arren,
kobra-tzeko dagozanak 100.000 dira».
Comentarios